28/5/09

O xardín das Hespérides

Os Departamentos de Cultura Clásica e Francés, xunto coa Biblioteca, organizamos unha pequena actividade que leva por título "O xardín das Hespérides". Antes de nada, queremos explicar, tal e como comentaron os alumnos que participaron na inauguración do xardín, que as Hespérides , fillas de Atlas e Hésperis, eran, na mitoloxía grega, as ninfas que gardaban o xardín das mazas de ouro.

Como temos a sorte de estar rodeados de natureza, pareceunos axeitado , aproveitando esta circunstancia, unir a mitoloxía e o medio ambiente. Agora só falta que sigamos lendo as historias dos mitos e que coidemos o noso xardín.

Estela



José Manuel Rendo, de 1º de ESO, lector do mes de febreiro, fainos a seguinte recomendación :

A historia está protagonizada por unha rapaza chamada Navis, aventureira e atrevida, que non ten medo a nada. Recomendo este libro a todos aqueles aos que lles gusten as aventuras. A min pareceume bonita esta historia.

26/5/09

Club de lectura "Calamus"


Na reunión anterior de "Calamus" comentamos que hai moitos outros títulos sobre o tema do terror. Mencionamos obras como "La hija de la noche" de Laura Gallego García, "Drácula" de Bram Stocker, "Los mejores relatos de terror. Antología" de VV.AA, "El palacio de la noche eterna" de José Mª Latorre, "¡Socorro!" de Elsa Bornemann, "Relatos escalofriantes" de Roald Dahl... e parece que fixestes caso das nosas recomendacións porque estanse collendo estes libros.


Agora imos facer unha proposta diferente, para a que será a derradeira reunión do noso club. Pensamos nunha obra que nos permitira tratar o tema da discapacidade e así eliximos "Marianela" de Benito Pérez Galdós, todo un clásico. A obra cóntanos a historia de Nela, unha rapaza de moi bo corazón que vive libremente nun ambiente marcado pola pobreza e a enfermidade. A protagonista namorarase de Teodoro, un xoven médico, cego, ao que ela serve de lazarillo. Sen embargo,...e, penso que xa non podo dicir nada máis, agora sodes vos os que ides ler a historia e opinar sobre ela.

Nesta ocasión non imos facer preguntas, xa sabedes que normalmente tiñades que respostar a tres cuestións sobre o autor, a obra... Agora vos ides plantexar cuestións e aos demais tócalle adiviñar as respostas. Vai ser algo distinto ao que viñamos facendo pero seguramente servirá para repasar ou para aprender aspectos da vida e obra do autor, da época na que viviu...

Ánimo!

24/5/09

Profesor Holland

Non vira esta película, Profesor Holland ( Stephen Herek, 1995), sobre a vida dun profesor de música que consegue entusiasmar aos seus alumnos e atoparse a si mesmo, e debo dicir que me sorprendeu. Non pasará á historia do cine coma unha cinta extraordinaria, seguramente, pero faranos pensar na docencia, na nosa vida, e na influencia que podemos ter nos demais por medio do noso traballo.


A película cóntanos a historia de Glenn Holland, un músico que, canso de tocar en clubs nocturnos, decide dedicarse á docencia. Instálase coa súa muller en Portland e alí da clases no instituto John Fizgerald Kennedy. É un home discreto que cumple coas súas obrigas profesionais e ao que algunha vez a directora do centro lle recrimina que non se comprometa máis.Vai pasando o tempo e non acaba de conectar cos seus alumnos, dá a impresión de que a música non lles interesa, non estudian e el non está satisfeito cos resultados. Sen embargo, o anuncio de que vai ser pai provoca un cambio na súa forma de ver a vida e, a partir dese momento, entende a docencia doutro xeito. Comeza entón a preocuparse máis de preto polo seu alumnado, a implicarse máis, a entender a música como un xeito de divertirse e de expresar sentimentos e prodúcese o milagre : os alumnos cambian de actitude e interésanse pola materia de "Apreciación musical" que Holland imparte.

Este home, que nunca fai alarde dos seus coñecementos e que gaña o respecto e o cariño de todos, ten que facer fronte tamén á xordeira do seu fillo e a unha vida familiar á que dá a impresión que non dedica todo o tempo que sería necesario. A súa implicación profesional é moi intensa e, con moitas dificultades, tenta ter tempo para compoñer.

Despois de moitos anos de traballo, o centro decide facer un recorte presupostario e prescindir , entre outras, da súa materia. Holland, despois de facerse oír, comprende que esa é a súa verdadeira vocación, e que, tras trinta anos de traballo, vese obrigado a xubilarse. Sen embargo, non sabe a sorpresa , moi á americana, que lle espera...

21/5/09

Poesía española para jóvenes

Éste es uno de los libros que estamos leyendo en este trimestre, en 2º de ESO. Tratamos de acercarnos a la lírica a través de una serie de poemas que nos hablan de la vida, del amor, de la naturaleza... Seguro que alguno nos ha gustado especialmente o , quizás, nos ha recordado determinados momentos de nuestra vida.

MANERA ACTUAL DE SER NIÑO

Antonio viaja que viaja
por tierra, por mar, por aire,
va de un continente a otro
porque el mundo ya no es grande,
mira desde su avión
cordilleras y ciudades
como si, soñando aún,
sobre algún mapa trazase
con el dedo rutas, rumbos.
¿Ser hombre es estar de viaje?


Jorge Guillén
  • Poesía española para jóvenes.
  • Selección y prólogo de Ana Pelegrín.
  • Ilustraciones de Juan Ramón Alonso.
  • Editorial Alfaguara, 171 páginas.

Letras Galegas (V)

Continuamos con esta proposta no mes das Letras Galegas. Esta vez non imos dar pistas.

A MORTE

De forte ollar, amiga,
e frío que non se quenta.
Amiga, que eres de todos
e por ninguén esquecida.

Soia con teu silencio
na forza do teu poder,
un por un de cada ser
levas do fin ó comenzo,
descansar á túa fonte.
...................................................
E logo de alí cansiños,
amiga, dinos pra onde?

Deixa, amiga, ós nosos pés,
fríos polo teu ver,
algo do noso sentir,
do són que ti fas fuxir,
amiga, por aquil nacer...

20/5/09

Conexión Tubinga

En colaboración co Departamento de Filosofía, a Biblioteca organizou a visita ao noso centro de Alberto Canal, o autor de Conexión Tubinga, libro que leron os alumnos de 1º de Bacharelato.

Sempre é interesante falar co autor da obra que estamos a ler, e tamén é unha boa oportunidade para facer comentarios sobre o libro, intercambiar opinións, preguntar as nosas dúbidas... Hoxe o debate estivo animado e moitos fixeron preguntas e opinaron sobre os temas que saíron á luz despois da lectura.




" Comecei a ler o Existe Deus? nunha fría noite de febreiro seguindo o ritmo cadencioso que marcaba a choiva nos cristais da fiestra e aproveitando o tempo no que podiamos manter acendida a luz do cuarto, que nunca podía exceder das doce da noite. Entón cría que, aquela singradura que iniciaba polo pensamento do teólogo suízo me axudaría a atopar o camiño que me conduciría á resolución dun enigma ao que ninguén daba unha explicación convincente, pero o que non puiden imaxinar naquel momento era que aquel periplo intelectual ía abocar a miña vida por un camiño que cría non ter elixido e do cal, polo menos a priori, saín bastante malparado." ( Páx. 19)

  • Conexión Tubinga de Alberto Canal.
  • Editorial Xerais, 223 páxinas.

19/5/09

Letras Galegas (IV)

Presentamos hoxe outro texto que pertence a unha obra moi coñecida . Acertastes o anterior, así que seguramente non teñades problemas con este.


" Namentres o Bocas i eu andabamos a arreparar nistas cousas, o Milhomes puxérase a remexer nun moble que tiña trazas de ser un arcaz posto de pé, todo cheio de caixonciños moi feitucos, coma de xoguete. Cando ollei que sacaba del unhas alfaias, funme pra il tencionando de lle empecer que fixese tal cousa, pois como xa teño dito unha cousa é andare de parranda i outra sere caloteiro."


  • PISTA : O AUTOR NACEU EN OURENSE.

18/5/09

Mario Benedetti


Letras Galegas (III)

Ó longo deste mes traballaremos sobre todo as Letras Galegas así que propoñémosvos participar nunha actividade relacionada con este tema. Tendes que acertar o nome do autor que escribiu cada un dos textos que aparecerán no blog no mes de maio e o título da obra á que pertencen. Todos eles foron galardoados nas Letras Galegas e aparecen no post do día 17 de maio. Hai que indicar tamén o ano no que recibiron o galardón.Daremos, de todos os xeitos, algunhas pistas.

" Moitas veces ouvín dicir que os lobos non atacan ás persoas. E isto non é certo. O segredario de Caldas foi comido por iles cando voltaba da feira de Viana. Algúns dixeron que o mataran por arroubalo, e que despois o comeran os lobos; mais a douscentos metros de ondia o comeran foi atopado un lobo morto coa gorxa afuraiada por unha bala."


Pista : O autor naceu en Lugo.

17/5/09

Ágora

Alejandro Amenábar ven de presentar no Festival de Cannes, fora de concurso, a súa quinta película na que poderemos achegarnos á figura de
Hypatia de Alejandría, unha importante astrónoma que viviu no século IV, e que tenta defender as súas ideas, traballo difícil na sociedade da época.
Teremos que agardar ata o outono para poder vela no cine, pero aquí temos un pequeno adianto.

Letras Galegas 2009 (II)

Dende o ano 1963 celébrase o Día das Letras Galegas. Amosamos unha pequena selección de imaxes correspondentes aos homenaxeados nos últimos anos.

16/5/09

El castillo de cristal


Cando, de camiño a unha velada, unha periodista de prestixio ve a súa nai revolvendo entre o lixo, decide regresar a súa casa, en Park Avenue e mirar cara a cara ao seu pasado.

Esta obra autobiográfica é un exercicio de valentía e nela podemos ver aos membros dunha familia nómada e atípica que loitan por sobrevivir sen medios nuhas condicións moi difíciles e con graves problemas.
Esta é unha parte da descripción da casa na que viven en Welch : " Nos quedamos mirando azorados. Se trataba de un cuchitril apartado de la carretera, colgado de la ladera de una colina tan empinada que sólo el fondo de la casa se apoyaba en tierra. La fachada, incluyendo el porche que se venía abajo, sobresalía peligrosamente, quedando suspendida en el aire, sostenida por unos altos y endebles pilares de bloques de cemento. Había sido pintada de blanco hacía mucho tiempo, pero la pintura, donde no se había caído por completo, se había transformado en un gris lúgubre.
-Menos mal que os hemos criado para que seáis fuertes, chavales - dijo papá. Porque no es una casa para pusilánimes." ( Páx. 229-230).

A pesar de todas as dificultades tamén hai bos momentos, por difícil que poida parecer. E a lectura, inculcada dende a infancia, gústalles a todos e permítelles aprender e acceder a novos mundos. " Todos leíamos, pero nunca tuve la sensación de familia unida como la que habíamos sido en Battle Mountain cuando nos sentábamos todos juntos en la estación con nuestros libros. En Welch, cada uno se apartaba a un rincón de la casa. Al caer la noche, nos acostábamos en nuestras camas de sogas y cartón, leyendo con una linterna o una vela que colocábamos en nuestras cajas de madera, creando cada uno su propia fuente de luz mortecina." ( Páx. 255)
  • El castillo de cristal de Jeannette Walls.
  • Ed. Suma de Letras, 430 páginas.

12/5/09

Letras Galegas 2009


" O centro fundamental da vitalidade da língua galega está pasando do campo á cidade. Trátase da meirande revolución da súa historia. De que este proceso siga, se afirme ou trunfe depende o futuro da nosa língua. No campo está o seu pasado. Na cidade, o seu futuro. Nese futuro, o galego perderá gran parte do seu caudal expresivo campesiño pro desenvolverá un novo caudal expresivo axeitado ás necesidades da mentalidade urbana, industrial, técnica, moderna, etc, etc. Experimentará unha fonda transformación. Compre aceptala e favorecela". (Páx.238 - 239)
  • "Olladas no futuro" , Ed. Galaxia, 1974.

11/5/09

Club de lectura "Calamus"

Lembramos a todos os membros de "Calamus" que a vindeira reunión do noso club de lectura será o mércores, día 13 de maio, ás 4 da tarde na Biblioteca.

Solucións ás actividades (II)

Completamos as solucións que nos faltaban do Díptico "Revisando aos clásicos".

. 5 .- A LITERATURA E A ARTE.

Esta actividade, baseada na obra " Gran Libro dos Retratos de animais", propón que o alumnado relacione os cadros de famosos animais coa PARODIA que fan deses cadros.

PREGUNTA : A que cadro fai referencia o hipopótamo ?
RESPOSTA : "Á Bañista" de Jean- Auguste Dominique Ingres (1808).

.6 .- ESCOITA DE TEXTOS CLÁSICOS.

O alumnado ten a oportunidade de escoitar diferentes textos literarios recitados por autores.

. PREGUNTA : De que autor é o poema "Utopía" ?
. RESPOSTA : De Mario Benedetti.

.7 .- SELECCIÓN DE PELÍCULAS CLÁSICAS.

Haberá unha mostra de películas baseadas en obras literarias.

. PREGUNTA : Que película de Hitchcock aparece na exposición ?
. RESPOSTA : " Extraños en un tren ".

Unha vez realizado o sorteo a alumna gañadora foi Lorena Bibián Caramés de 1º BC. Entregarémosche o premio esta semana. PARABÉNS!

9/5/09

Literatura Hispanoamericana

En 2º de Bacharelato estamos na recta final do curso. Agora comentamos na aula "Crónica de una muerte anunciada" de Gabriel García Márquez ( Aracataca, Colombia, 1928) , Premio Nobel de Literatura no ano 1982 e autor que non necesita presentación, coma tantos outros.
Presentamos a continuación un pequeno vídeo no que no propio autor comenta algún aspecto da súa obra.

5/5/09

Solucións ás actividades


Na semana do 20 ao 24 de abril e para conmemorar o Día do Libro, realizamos unha exposición no centro co título de "Revisando aos clásicos". No díptico que entregamos aparecían oito cuestións. Aquí tedes as solucións dunha parte das actividades.

.1 .- TALLER DE ENCUADERNACIÓN.

O día 1 de abril os alumnos de 3ºC recibiron un curso práctico sobre encuadernación, impartido polo servicio de encuadernadoras da librería COUCEIRO. Pretendemos que esta experiencia serva de motor para encuadernacións posteriores.

PREGUNTA: Cita algunha parte dun libro.
RESPOSTA: O lombo, a portada, os nervios, as puntas ou cantoneiras, o peche...

. 2 .- RETRATOS DE CLÁSICOS.

Exposición de retratos de escritores clásicos enmarcados polos profesores e alumnos de Plástica.

PREGUNTA: Identifica algunha imaxe que aparece na portada e contraportada do díptico.

RESPOSTA : Molière, Valle-Inclán, O. Wilde, F. García Lorca, E. Allan Poe, M. Curros Enríquez...

. 3 .- RELACIONAR TEXTOS COAS OBRAS DE AUTORES CLÁSICOS.

Nos paneis do hall se expoñen fragmentos de obras clásicas moi coñecidas e o alumnado ten que relacionar o texto coa obra e o seu autor.

PREGUNTA : A que obra e autor corresponde o texto nº 5 ?

RESPOSTA: A Tartufo de Molière.

. 4 .- OS SOPORTES DA ESCRITURA.

O Departamento de Clásicas expón a historia da escritura e os seus soportes ao longo da historia.

PREGUNTA : Cal foi a Biblioteca máis famosa da Antigüidade?

RESPOSTA : A Biblioteca de Alexandría.

3/5/09

A clase

Nesta obra, François Bégadeau cóntanos as súas experiencias como profesor nun centro dos arredores de París. Son aulas presididas pola multiculturalidade nas que podemos coñecer de preto a docencia, no día a día. Por outra banda, aparecen tamén as relacións co resto dos colegas, as diferencias respecto ao noso sistema educativo ( o carné de clase, a figura do CPE, ...) O relato vai pasando dos alumnos aos profesores e combinando varios tipos de textos:


" Pequena folla, grandes cadrados. Chámome Ming. Teño 15 anos e son chinés. Vivo no 34 da rúa de Nantes, código postal 75019 con meus pais e ía á escola con meus compañeiros, vou en cuarto B e é un pouco difícil para min porque non falaba moi ben o francés. Os meus ben puntos é que son amable e traballador. Os meus malos puntos é que son curioso." (Páx.20)
" 1. Cales son os valores da escola republicana a como facer para que a sociedade os recoñeza? 2. Cal debe ser a función da escola, na hora de Europa e para os decenios vindeiros? 3. Cara a que tipo de igualdade debe tender a escola? " ( Páx. 52)

" Profesor, escúsome por ter actuado desa maneira cabréome con demasiada rapidez e tento calmarme. Decateime de que estava mal actuar como acavaba de facelo e por iso non o farei máis. Rógolle que acepte as miñas inceras escusas. Ndeyé." ( Páx. 91)

1/5/09

Pompeia

Tras dez anos de restauración, os frescos de Pompeia volven sáír á luz. Dende o mércores podemos contemplalos de novo en Nápoles ( Museo Arqueolóxico Nacional). Trátase dun total de 400 frescos que chegaron a conservarse grazas á cinza do Vesubio, que entrou en erupción hai uns 2000 anos.

LinkWithin