Un país de palabras

Procedencia da imaxe

"Estou convencido de que foron esas primeiras vivencias as que determinaron dun xeito absolutamente inconsciente a miña maneira de narrar o día no que descubrin o pracer de observar o mundo e de contalo. Desde o primeiro momento, sen reflexión previa de ningún tipo, cunha inocencia que me gustaría ter conservado ata o día de hoxe, pero que xa non resulta posible manter, entendín que a substancia do relato non estaba nin na orixinalidade da historia nin no carácter insólito do final, senón nas pequenas miudezas descritivas e na súa xerarquización gradual e ordenada". (Páx.141,142)

Un país de palabras de Carlos Casares, Ed.Galaxia,Biblioteca Carlos Casares,nº 13,Vigo,2006.

Sei o que vale un verso

" Sei que todos os versos do mundo

non valen o que vale un home,

o que vale

o berro dolorido dunha nai,

o bico apaixonado dos amantes

ou o tenro recendo dunha flor.

Sei que os versos non valen

pero sigo escribindo sen parar.

Sigo escribindo con carraxe,

entusiasmo e paixón

por se acado algo de poesía

-unha folliña só que move o vento-

entre a faramalla das miñas

pobres verbas desnortadas.

Procedencia da imaxe

Un verso nunca vale

o que vale o chío dun paxaro,

nin ten a forza dun río

ou o poder arrepiante dunha bala.

Pero eu sigo fiel,encadeado

á música amorosa das palabras ".

 De Remol, Manuel María (Poemas escollidos).

Libros na rúa

Con este título, Libros na rúa, tentamos celebrar o Día das Letras Galegas, facendo un pequeno mercadillo de libros nunha actividade colaborativa entre o Concello de Silleda, a Biblioteca Pública e os centros educativos da nosa comarca. Todo un éxito, tal e como podedes ver nas fotografías que fixemos esta mañán. 

  Agradecemos a todos a súa axuda (Concello, alumnos dos Ciclos, voluntarios...) e agardamos seguir organizando no futuro este tipo de iniciativas.

RVB en imaxes

Letras Galegas 2013

"Eu son un home... un señor maior con sombreiro e bigote, que de xeito absolutamente irresponsable, persiste na estúpida teima de vivir por e para unha das profesións, hoxe en día, máis absurdas do mundo e sen embargo por iso máis grandiosas."

Roberto Vidal Bolaño.

Procedencia da imaxe

De Balbino a hoxe

A semana pasada tivemos a sorte de contar en Silleda coa visita de Xosé Neira Vilas, todo un privilexio. Tomamos boa nota das súas palabras e foron moitas as preguntas sobre a súa obra que lle plantexamos no noso centro, sobre todo os alumnos de 2º de ESO que están a ler nestes momentos Memorias dun neno labrego. 

  Tamén asistimos á presentación do libro do noso compañeiro Xoan Carlos García Porral, De Balbino a hoxe. Cambios e transformacións na aldea galega.

Letras Galegas 2011

Amosamos a continuación un pequeno resumo das actividades que fixemos no noso centro para celebrar o Día das Letras Galegas. Queremos agradecer moi especialmente a implicación do Departamento de Galego , sobre todo de Nati e Ana, nos traballos desenvolvidos, e a de todos os alumnos que contribuiron na lectura de poemas.

Letras Galegas 2011 on PhotoPeach

Letras Galegas 2011: Lois Pereiro (III)

ACRÓSTICO

Somentes

intentaba conseguir

deixar na terra

algo de min que me sobrevivira

sabendo que debería ter sabido

impedirme a min mesmo

descubrir que só fixen un interludio

atroz entre dous muros de silencio

Procedencia da imaxe

só puiden evitar vivindo á sombra

inocularlle para sempre a quen amaba

doses letais do amor que envelenaba

a súa alma cunha dor eterna

substituindo o desexo polo exilio

iniciei a viaxe sen retorno

deixándome levar sen resistencia

ó fondo dunha interna

aniquilación chea de nostalxia.

Letras Galegas 2011: Lois Pereiro (II)

Como parte das actividades que se farán no noso centro co gallo do Día das Letras Galegas, un grupo de alumnos de 1º de Bacharelato recitará algúns versos de Lois Pereiro, o autor homenaxeado este ano. Iremos publicando no blog algúns dos poemas seleccionados.

DECLARACIÓN

Amarte, vida, amarte case sempre,

inda que sexas dura e leves entremedias

piedade e odio intermitentemente.

Procedencia da imaxe

Es ti a que sempre educas e aceleras

a doenza letal dos que non se resignan

a ignorar como es en realidade:

somentes un traxecto

cómodo e aldraxante cara á morte,

un tránsito inútil e innecesario.

Pero a ignorancia salva ós que non quere

arriscarse e perderte tan axiña

a cambio da renuncia a profanarte.

E aqueles dentes que perdín

precisaríaos agora para defender

as conviccións nas que me reafirmo.

Solidario e amable, se é posible,

ou lobo estepario no desterro,

contemplarei o círculo insurxente

coas balas do desexo.

Letras Galegas 2011: Lois Pereiro

Procedencia da imaxe

Tristemente convivo coa túa ausencia

sobrevivo á distancia que nos nega

mentres bordeo a fronteira entre dous mundos

sen decidir cal deles pode darme

a calma que me esixo para amarte

sen sufrir pola túa indiferencia

a miña retirada preventiva

dunha batalla que xa sei perdida

resolto a non entrar xamais en ti

pero non á tortura de evitarte.

Poesía última de amor e enfermidade (1992-1995)

Letras Galegas 2010: Uxío Novoneyra (XII)

Comezamos este ano cuns versos de Uxío Novoneyra, autor a quen se dedicou o Día das Letras Galegas 2010, e queremos volver tamén aos seus poemas para desexar a todos un Bo Nadal e un Feliz Ano 2011.

"NEVA e non leva.

Anque o ceo amoia

o silencio aboia.

Neva como eu poño

naquil poema neva.

Procedencia da imaxe

Falopiña a falopiña

van branqueando a cortiña.

Cada miniña o seu soño...

cada copo a súa flairiña..."

De Os Eidos .

Letras Galegas 2010: Uxío Novoneyra (XI)

"CHOVE

e sólo o quedo se move,

..................................................

Procedencia da imaxe

Enviso n'algo que non deixo

eu teño su beirado

da cabana o xeito calado

do val na follata de freixo

e rebolo i as silvas cargadas

de pingoadas ..."

De Os Eidos

Letras Galegas 2010: Uxío Novoneyra (X)

"Un ceo aneboado entre azul que trasluce.

Procedencia da imaxe

Toda frustración súmase a ese ceo

e parece que non hai máis que eso

cando inda onte

un paxaro cantaba tan seguro cantaba un paxaro".

De Poemas da doada certeza.

Letras Galegas 2010: Uxío Novoneyra (IX)

"VEO o tempo morno do Outono

Os días son tardes longas

O aire é unha cousa ...

Todo ten ise xeito:

os tesos

os camiños que se van

no serán do val

os soutos

alumados d'ouro

eu quedo

ollando o mofo..."

De Os Eidos

Letras Galegas 2010; Uxío Novoneyra (VIII)

"PAXAROS voando

o ámeto do canto.

Cada sitio

ten un camiño

que non vai

máis alá".

De Os Eidos.

Letras Galegas 2010: Uxío Novoneyra (VII)

"VEO o tempo craro do Vrao: as festas i os traballos

Veo a lúa das segas i a gadaña dos prados

os gavilleiros as medas i o troupelear dos mallos"

De Os Eidos.

Letras Galegas 2010:Uxío Novoneyra (VI)

"FONTIÑA do Carabel.

Auga branca

nacida ó pé dunha faia

teñe que ter bon beber.

- Toma

pon de calexa esta folla.

Aséntaa ben no buraco

e préndea cunha pedra.

Qué fontiña máis pequena!

Sécase dun sorbato.

Fontiña do Carabel

que das xusto o que un pode beber! "

Os Eidos

Letras Galegas 2010

Dende a Biblioteca quixemos sumarnos as moitas homenaxes que estes días estanse facendo dende o mundo da cultura a Uxío Novoneyra, autor ao que este ano vai dedicado o Día das Letras Galegas.

Queremos agradecer a axuda prestada polo alumnado do noso centro nesta actividade.

Letras Galegas 2010 on PhotoPeach

Letras Galegas 2010: Uxío Novoneyra (V)

" LUA da xeada!

Faise brasa a leña da ragoada

faise cinsa a brasa

degráñase o millo

fiase o liño mada a mada

ca luz do murillo.

O fuso de lonxe. O fuso de lado.

A roca á illarga. O corpo delgado.

Fiaraza a fiaraza

faise a baraza

baraza a baraza

faise o nuvelo

nuvelo a nuvelo

faise o mantelo".

De Os Eidos

Letras Galegas 2010: Uxío Novoneyra (IV)

" VALIAS xa somente amiga

polo que me costa non terte

i andar a soledá nemiga.

Valías xa somente amada

polo que me costa perderte

e ficar a soledá tornada".

De Os Eidos