jueves, julio 09, 2026

ESTAMOS REVISANDO O BLOG

Estamos resolvendo algúns problemiñas coa carga de contidos da actividade deste ano. Durante este mes de xullo o blog está en revisión e faltarán contidos.

viernes, junio 19, 2026

entrega das mochilas viaxeiras de verán

omo peche da actividade deste ano o 19 de xuño, fixemos entrega das mochilas personalizadas de verán.
Nas escollas das nosos lectores e lectoras predominou este ano o manga e o libro de fantasía.

Ainara Miguélez e Elena Pop coas súas mochilas.

📚 Desde a biblioteca como libros sorpresa escollemos: Danza de acero e El pequeño libro de los eclipses.
Danza de acero é a primeira entrega da saga Pétalos de sangre de Mars Carballo Losada. Lembrade que coñecemos a esta autora pola súa primeira obra, Colores en el viento, en relación coa que nos visitou no curso 2021-22, cando foi entrevistada polo noso alumnado.

Para estar ben preparados para o evento astronómico único que poderemos contemplar o 12 de agosto, os participantes desta mochila viaxeira de verán levaron tamén este manual de divulgación sobre os eclipses.

Esperamos que gocedes das vosas lecturas!

lunes, junio 15, 2026

Preparadas as nosas mochilas viaxeiras de verán

on queda nada para o remate de curso. Na biblioteca xa temos preparadas as mochilas viaxeiras de verán para os alumnos e alumnas que se achegaron a pedilas.

Cada mochila conta cos libros escollidos por cada alumno ou alumna e unha ou dúas suxestións de lectura de sorpresa -pensadas para cada un en particular- unha lectura vinculada ao eclipse solar deste verán e unha serie de agasallos de verán (gorra, pás de praia, ...).

Aínda estás a tempo para solicitar a túa!

lunes, junio 08, 2026

DESEÑA A TÚA MOCHILA VIAXEIRA PARA ESTE VERÁN

E ste ano a biblioteca propón que fagades a vosa mochila de lectura personalizada. Pásate pola biblioteca para escoller eses libros aos que lle botaches o ollo durante o curso e non puideches ler.

Prometemos engadir algunha sorpresa estival de agasallo!

📚 Como participar

Pasa pola biblioteca para inscribirte
Escolle os libros que queres levar para o verán e déixa a lista na biblioteca
Ven recoller a túa mochila viaxeira

Esperámosvos!

lunes, abril 13, 2026

SAÍDA Á CORUÑA DO EQUIPO DE VOLUNTARIADO E PARTICIPANTES EN CLUBS

o alumnado que colabora como voluntario na biblioteca e os que participan nos distintos clubs formativos e lúdicos do centro, fixeron a súa saída anual o día 8 de abril. Nesta ocasión fomos á Coruña para visitar dúas exposicións organizadas pola Fundación Barrié e a Fundación Marta Ortega.

Na Fundación Barrié puidemos coñecer a obra do fantástico deseñador do art nouveau, René Lalique.

Na Fundación Marta Ortega visitamos a exposición Wonderland de fotografías de Annie Leibovitz.

Ademais dun amplo percorrido pola traxectoria da fotógrafa, do máis underground á alta costura, os asistentes fixeron un obradoiro de fotografía e escenificación de obras pictóricas.

Cada grupo escolleu unha pintura dunha selección proposta e, empregando diversos accesorios, recrearon a escena do cadro valéndose dunha pantalla croma verde para crear efectos na composición. Aquí vedes algúns dos procesos e resultados.

FEIRA DO LIBRO

Arredor da celebración do Día do libro, o 23 de abril, facemos a nosa Feira do libro do 21 ao 29 de abril. Manteremos o tradicional posto de troco e teremos novos obradoriros: de haikus e de pos-ups.
Ademais os alumnos de oratoria de 3º da ESO convidan a alumando e profesorado a participar nun trepidante Escape Room ambientado no incendio da Biblioteca de Alexandría.

lunes, marzo 09, 2026

8 m

DEREITOS, XUSTIZA, ACCIÓN PARA TODAS AS MULLERES E NENAS.

onmemoramos un ano máis o oito de marzo como día de festexo e de reivindicación dos dereitos das mulleres e nenas do mundo.

Este ano a ONU fixou o lema "Dereitos, xustiza, acción para todas as mulleres e nenas". Esta mensaxe é un chamamento mundial para derribar as barreiras estruturais e legais que impiden a igualdade, recordando que actualmente as mulleres só posúen o 64 % dos dereitos legais dos que gozan os homes a nivel global.

As integrantes do Club de Feminismo dinamizaron a data cun posto de difusión dos libros relativos ao feminismo que se atopan nos nosos fondos, carteis con lemas alusivos á igualdade e o agasallo dun marcador de libros ilustrado co deseño feito por Noelia García para a estantería da sección de feminismo da biblioteca.

Aproveitamos para animar a toda a comunidade escolar a integrarse e colaborar co equipo do Club de Feminismo.

Pasade pola biblioteca para informarvos!

jueves, febrero 05, 2026

COTAMOS NA GALIÑA AZUL DE SILLEDA

alumnado da materia de Oratoria de 3º de ESO estivo a traballar a lectura expresiva de contos infantís e este luns foi poñer en práctica a súa aprendizaxe co público máis esixente: os pequechos da Galiña Azul de Silleda.

As lecturas escollidas para a contada foron varios clásicos do xénero: Corre, corre cabaciña de Eva Mejuto con ilustracións de André Letria; O incrible neno devorador de libros, de Oliver Jeffers; Amigos, de Michael Foreman e Na busca dun fogar de Alexis Deacon, ilustrado por Vivianne Schwarz.

viernes, enero 09, 2026

CONTRA A MASACRE DO POBO PALESTINO

A partir da celebración o día 30 de xaneiro do Día Escolar da Non- violencia e a Paz imos desenvolver unha serie de actividades reivindicativas para dar a coñecer a situación do pobo Palestino en Gaza nestes días e singularmente a súa repercusión na vida de miles de nenos e nenas. Máis alá do que imos vendo nas noticias cada día, chegounos a lista de 20 000 nenos e nenas palestinos mortos polas represalias do goberno de Israel tras o terrible atentado de Hamas de outubro de 2023. Esta abrumadora cifra de mortos interpelounos cando pensamos na celebración do día da non-violencia e deu lugar á serie de actividades que propoñemos.

📚 En que podes participar?

Obradoiro de Tatreez
Acción de protesta pola morte de miles de nenos en Gaza: En colaboración con outros centros escolares e co Concello de Silleda, faremos unha acción simbólica escribindo os nomes que poidamos dos 20 000 nenos e nenas mortos en Gaza desde outubro de 2023.
Fito de conmemoración. Plantaremos no noso centro un ciprés e o acompañaremos dunha placa memorial contra a impunidade destes crimes de xenocidio.

Para a acción dos nomes precisamos que traiades sabas para facer as tiras en que imos escribilos.

viernes, diciembre 12, 2025

OBRADOIRO DE ESCRITURA CREATIVA

CON CHEMA GÓMEZ DE LORA

Un ano máis veu acompañarnos Chema Gómez de Lora para facer un obradoiro de escritura co alumnado de 1º da ESO.
A través de diversos exercicios de escrita en pequenos formatos marcadas polo sorprendente e orixinal de cada proposta, o alumnado afondou nas súas capacidades de creación dunha forma lúdica e amena.
Chema Gómez de Lora ten unha dilatada traxectoria como autor literario e teatral, docente e dinamizador de actividades vinculadas á arte dramática e á escritura.

Ao remate do obradoiro os alumnos e alumnas enviaron a súa última creación en forma de relato para que se elixise a peza gañadora, premiada co tradicional chupa-chups XXL.

O alumnado de lingua castelá e literatura de 1º da ESO durante o obradoiro.

miércoles, noviembre 26, 2025

25 N

Día internacional da eliminación da violencia contra a muller

onmemoramos o 25 N en colaboración co Club de Feminismo e EDL, recordando ás 38 mulleres asasinadas no que vai de ano acendendo unha candea por cada unha delas.