PROXECTOS

PROXECTO 2023.24

 Leonardízate.

Un proxecto de investigación interdisciplinar sobre a figura de Leonardo da Vinci e a súa

obra.

  Este proxecto nace na programación das actividades anuais da biblioteca e foi coordinado xunto co Club de ciencias.Tratouse de buscar un fío conductor que nos permitise asentar a nosa aposta polo traballo por proxectos integrados. A figura de Leonardo da Vinci presentouse como un ámbito ideal de incorporación das diversas ramas do saber e da creación.

 

Escrita especular e a isometría óptica. A fórmula das fragacias.

 

    O alumnado de 4º da ESO e de 1º de BAC traballou a escrita especular e a fórmula das fragancias na unidade didáctica de química orgánica da materia de Física e Química.

Cúpulas, pontes e máquinas de Leonardo 

 

    O alumnado de tecnoloxía (de 1º, 2º e 4º da ESO) construíu diversas estruturas vinculadas as invencións e descubrimentos de Leonardo da Vinci: pezas para a construción de diversas cúpulas, pontes autoportantes...  

As creacións presentáronse nas feiras do libro e de ciencia.

A música en tempos de Leonardo.

 O  alumando e 1º de BAC traballou sobre a música na época de da Vinci. En concreto, investigouse sobre a peza musical "Il grillo" e o seu autor Josquin des Prés, que podemos ver intrepretada neste vídeo.

 

   

 Xeometría dos poliedros

     A  xeometría dos poliedros a través da papiroflexia foi traballada polas aulas de 2º de ESO en matemáticas.

 

 Obra pictórica

     O  alumando e 1º de ESO fixo en lingua castelá unha actividade de escrita sobre a experiencia de ver unha obra de arte e o que nos transmite.

     Na materia de relixión de 1º de ESO e BAC traballouse sobre o cadro da Última cea. 

    

Os alumnos de francés de 1º de BAC, pola súa banda, investigaron sobre o Louvre para facer unha exposición.

Biografía

    No proxecto competencial de 1º de ESO afondouse na biografía de Leonardo da Vinci.

Collage: Bosque de bidueiros e máquinas de voar.

     Na materia de plástica de 3º da ESO  creáronse coa técnica do collage composicións

a partir do debuxo "Bosco di betule" e as maquinarias para voar de Leonardo. 

Lectura  

 O club de lectura de ciencias escolleu dous libros sobre a obra a vida de Leonardo para compartir.

Feira do libro e Feira de ciencia.  

 O proxecto Leonardízate fíxose presente de forma transversal ao longo do curso e tivo especial prensencia nas dúas feiras que organizamos: a do libro, arredor do 23 de abril; e a de ciencia, no mes de xuño. 

Este proxecto participa no X Concurso de Traballos por Proxectos da Consellería de Educación, Ciencia, Universidades e Formación Profesional.

Licenza e dereitos de uso do material:

Os materiais elaborados pasarán a ser propiedade da Consellería de Educación, Ciencia, Universidades e Formación Profesional, conservando a autoría dos seus creadores, co fin de servir como exemplo de boas prácticas, para o que deberán ser publicados cunha Licenza Creative Commons CC BY-NC-SA

Permítese o uso non comercial da obra e das posibles obras derivadas, a distribución das cales debe facerse cunha licenza igual á que regula a obra orixinal. 

PROXECTO 2022.23

 Os outros Guernicas. 

Proxecto premiado no IX Concurso de Traballo por proxectos da Consellería de Educación, Ciencia, Universidades de Formación Profesional

Un proxecto de investigación interdisciplinar sobre as atrocidades das guerras contra a poboación civil a partir do Guernica de Picasso.

Imaxe: https://www.museoreinasofia.es/coleccion/obra/guernica

     Este proxecto iniciouse como unha actividade destinada á celebración do Día da Paz que foi cobrando dimensión a medida que se foron integrando distintos departamentos e grupos de alumnos. Tratábase inicialmente de tomar a conmemoración dos 50 anos da morte de Picasso como motivo para facer unha reflexión sobre o Guernica e as atrocidades das guerras sobre a poboación civil, a partir deste xerme a actividade foi convertíndose nun proxecto con múltiples ramificacións: 

 

        

Vídeo resumo dun dos días de actividade publicada na web Vida no Colmeiro.

INVESTIGACIÓN HISTÓRICA

 

    O alumnado de 4º e 3º de ESO realiza unha investigación sobre diversas matanzas de civiles en conflitos bélicos (Mozote, My Lai, Marzabotto, Oradur-sur-Glane, Katyn, Sudán del Sur, Daoxian, Dresde, Guernica, Guta, Hiroshima e Nagasaki, La Desbandá, Nanjin, Ruanda, Shabra e Shatila e Srebrenica) e elaboran un panel informativo sobre cada unha. Cada episodio móntase asociado a unha das pezas do Guernica de Picasso.

  

Un dos paneis da exposición.               

 

 

Alumnos de 2º de ESO vendo a exposición.                                                           

 

 

   No panel de montaxe das pezas cada grupo sitúa unha pista cunha imaxe e un dato relativo ao conflito correspondente.

 

    Panel de montaxe do crebacabezas na entrada do instituto.                                                   

 

CREBACABEZAS 

    Xa está lista a exposición e o quebracabezas. Os alumnos e alumnas de 2º de ESO asisten primeiro ás exposicións informativas dos compañeiros da actividade en grupos rotativos e van tomando nota da información.

 

     Alumnas de 4º de ESO explicando a alumnos de 2º.  

   Alumnos de 3º de ESO cun grupo de 2º.

 Unha vez rematada a fase de información, noutra sesión os alumnos montan o crebacabezas do Guernica  servíndose das pistas e dos datos recollidos.

   Distintos momentos da actividade de montaxe do Guernica.

O noso crebacabezas, que ten unhas dimensións de catro metros por dous aproximadamente, está a disposición dos centros educativos que a queiran para facer algunha actividade.

  

INVESTIGACIÓN SOBRE ARMAS QUÍMICAS 

 

 

    O alumnado de 4º da ESO de física e química amplía a súa indagación sobre as guerras traballando sobre o uso de armas químicas, os procesos que interveñen nel e as súas consecuencias. Os ámbitos traballados son os seguintes: Guerra nuclear, Tormentas igneas,Axentes asfixiantes, Explosivos de guerra, Axentes ampola e Axentes nerviosos.

           Sobre cada investigación elaborouse un panel. Aquí tedes unha mostra do seu traballo tal como o presentaron os alumnos e alumnas. 

    LECTURA. HISTORIA EN TBO

     Tralas primeiras actividades vinculadas co Guernica, o club de lectura Historia en TBO, con alumnado de 4º de ESO e 1º de BAC, empezou a buscar unha lectura en formato de cómic ou novela gráfica vinculada coa historia do bombardeo de Guernica. Finalmente, decantámonos pola versión en cómic da obra de Paul Preston La muerte de Guernica, ilustrada por José Pablo García e editada por Debate.

Feita a lectura, queda pendente o encontro para comentala á volta do verán.

        PINTAMOS O GUERNICA

     Na materia de Educación Plástica os grupos de 1º da ESO e 3º da ESO traballaron o cadro do Guernica, a súa historia e composición para facer finalmente un exercicio de reprodución do cadro en lapis. Os grupos de terceiro fixeron tamén unha actividade de aprendizaxe cooperativa arredor do cadro para comprender mellor o seu contexto e reflexionar sobre os masacres que van ligados ás guerras. 

                Traballo da alumna Lidia González Fondevila de 1º de ESO.

                Traballo do alumno Diego Lois Ojea de 3º de ESO.

             ENGLISH ESSAY

    Na materia de inglés, os grupos de 4º traballaron a expresión escrita para a elaboración dun opinion essay, tratando os contidos traballados por cada grupo na investigación para facer o panel. Cada alumno e alumna fixo un pequeño ensaio de reflexión sobre as guerras e as súas consecuencias.

  

        FEIRA DA CIENCIA

    Para participar na Feira de Ciencias dende a biblioteca, pensouse en facer unha mesa de mostra do traballo de reutilización e reciclaxe de papel que fixeramos como obradoiro no noso Espazo Facedor. Cando estabamos preparando o material, pensamos en enlazar tamén esta actividade co noso traballo co Guernica, facendo libretas conmemorativas do cadro, empregando a súa imaxe nas cubertas.

                   Material no Espazo Facedor da biblioteca.                  

                 Alumnas do voluntariado na mesa de reciclaxe da Feira da Ciencia.

Este proxecto foi premiado no IX Concurso de Traballos por Proxectos da Consellería de Educación, Ciencia, Universidades e Formación Profesional.

Licenza e dereitos de uso do material:

Os materiais elaborados pasarán a ser propiedade da Consellería de Educación, Ciencia, Universidades e Formación Profesional, conservando a autoría dos seus creadores, co fin de servir como exemplo de boas prácticas, para o que deberán ser publicados cunha Licenza Creative Commons CC BY-NC-SA

Permítese o uso non comercial da obra e das posibles obras derivadas, a distribución das cales debe facerse cunha licenza igual á que regula a obra orixinal.