A mar de músicas

A partir do vindeiro venres día 8 temos unha cita importante coa multiculturalidade en Cartaxena onde vaise celebrar o Festival A mar de músicas . Este ano Italia será a gran protagonista, aínda que estarán tamén presentes voces de todos os continentes (Omara Portuondo, Cyndi Lauper, ...)

Bicicleta,cuchara,manzana

Probablemente foi o momento máis emotivo que se viviu no Festival de Cine de San Sebastián. Referímonos á presentación da película documental Bicicleta,cuchara,manzana sobre o Alzheimer, e a loita de Pasqual Maragall por vencer a enfermidade.

É moi de agradecer esta cinta de Carles Bosch, a quen dende aquí felicitamos polo seu traballo e a súa sensibilidade, por achegarnos a unha realidade que mañá pode ser a nosa.

Festival de Cine de Ourense

O vindeiro sábado 17 de outubro remata o 14 Festival de Cine Internacional de Ourense, que comezou o día 10. A película inaugural foi "Celda 211", de Daniel Monzón.

A selección Oficial presenta 200 produccións,das que 106 pertencen á Competición Oficial e as 94 restantes á Selección Temática paralela.

Coincidindo co 50 aniversario da publicación de A esmorga, o Festival rinde homenaxe ao seu autor, Eduardo Blanco Amor.

Yo También

Ven de rematar a 57ª edición do Festival de Cine de San Sebastián. Dende aquí queremos enviar os nosos parabéns a Pablo Pineda e a Lola Dueñas pola Concha de Plata acadada polo seu traballo na película Yo también.

Festivais de Teatro

Hai agora dez anos tiven a oportunidade de asistir a unha representación teatral inesquecible : Medea , de Eurípides , e o marco foi o Teatro de Mérida. Non se trataba dunha compañía de teatro profesional pero a protagonista fixo un traballo espléndido que conseguiu que aplaudiramos ata fartarnos, alumnos e profesores.

Ata o día 30 de agosto e coincidindo co 75 Aniversario do Festival de Mérida, imos ter a oportunidade de achegarnos ó Teatro clásico, que ten a virtude de sorprendernos sempre. Podemos atopar máis información en http://www.festivaldemerida.es/

Sen saír da nosa comunidade autónoma, temos tamén dúas grandes citas en Ribadavia e en Cangas. Mela Casal e María Bouzas farán de pregoeiras. Podemos destacar en Cangas as Xornadas sobre Mulleres nas Artes Escénicas ( quinta edición) ou Rotas, de Pífano Teatro. En Ribadavia ,Teatro en el aire presenta La piel del agua,unha representación á que só poderán asistir mulleres. Podemos consultar o Programa en www.ribadavia.net/gal/festas/mostra_teatro e en www.delmorrazo.com/tribuna/mostra_de_teatro.htlm

. Fontes consultadas:

- La Voz de Galicia ( lunes, 23 de junio del 2008).

- El País, Babelia ( número 866) ( sábado,28 de junio del 2008).