Club de lecctura "Calamus"

Antes de celebrar a terceira reunión de "Calamus", facémosvos as seguintes propostas :

- Asesinato en el Orient Express de Agatha Christie. Este famosísimo tren que percorre a ruta entre Estambul e Calais, vai quedar bloqueado pola neve e, ademais, un asasinato moi misterioso vai ter lugar no seu interior. Hércules Poirot , detective belga que protagoniza moitas das obras da escritora, farase cargo da investigación , que semella moi complexa. Como di nun determinado momento : "Yo sospecho de todo el mundo hasta el último minuto".

- El jardín de los autómatas de Armando Boix. É un libro de misterio que está ambientado en Barcelona, a comezos do século XX. Alí vive Mateo, un rapaz que se dedica a roubar, ata que coñece ó señor Bellver, e comeza a traballar para el. Sen embargo, en pouco tempo comezan a suceder cousas raras:desaparecen obxectos valiosos, autómatas...Ábrese unha investigación e... (creo que non debo dicir nada máis).

- Cartas de inverno de Agustín Fernández Paz. Que pasaría se un día atopásemos no xornal un anuncio coma este ?

VENDO casa embrujada, absténgase curiosos y bromistas. Teléfono 76 20 58. Algún podería pensar que se trata dunha broma, pero, tendo en conta a gravidade dos acontecementos que se narran neste libro, probablemente a advertencia sexa seria, segundo se desprende das informacións que imos coñecendo nas cartas dos protagonistas da historia.

Agora só tedes que votar e elixir unha obra das tres propostas!