Club de lectura Calamus: Terceira proposta

Esta é a terceira proposta de Calamus:

. De fel e mel de Patxi Zubizarreta. Unha historia sobre a inmigración, protagonizada por Selim, un rapaz que vive no Atlas marroquí e quere saber do seu irmá Abdelhadi, nome que non debe ser pronunciado na súa familia. É un relato duro que nos fala dos moitos problemas que ten que sortear un rapaz para saír adiante.

. Gerónimo el Apache de Moebius (serie Blueberry).Wyatt Earp, Gerónimo el apache, Mister Blueberry... Unha historia ambientada no western neste álbum ilustrado por un dos máis coñecidos autores de banda deseñada.

. África en el corazón de Mª del Carmen de la Bandera. Cóntanos a historia de Diko, un xove camerunés ao que nos achegamos por medio das súas lembranzas. É un libro sobre a solidariedade que nos presenta a un protagonista que loita pola súa vida.

Os vosos votos decidirán a vindeira lectura.