Lingua de amor

O Consello da Xuventude de Galicia, a través do seu Servizo de Normalización Lingüística, pon en marcha a Iª Edición do concurso Lingua de amor, un concurso de declaracións de amor en galego a través do correo electrónico.
Un dos obxectivos é vincular as mozas e mozos de Galicia co seu idioma e incrementar a percepción do galego como unha lingua que é útil para as actividades de lecer e momentos de diversión. Un segundo obxectivo é conquistar novos ámbitos de uso para o galego: internet, o correo electrónico ou os chats son espazos de comunicación nos que os mozos e mozas empregan o castelán como lingua habitual.
Establécense tres premios:
1º: Videocámara Mini DV Samsung VPD361 + un lote de libros en galego
2º: Cámara Sanyo PSDCN912 + un lote de libros en galego
3º: MP4 Blu:Sens 1027 + un lote de libros en galego

As mensaxes deixaranse, xunto cos datos persoais, nun formulario que os e as participantes poderán atopar na páxina do CXG: www.cxg.org. A partir do 1 de maio todas as mensaxes se poderán ler no web www.linguadeamor.eu