15/3/09

El silencio de los claustros


Alicia Giménez Bartlett ( Albacete, 1951) é unha das nosas máis recoñecidas especialistas no xénero policíaco e acaba de recibir o Premio Raymond Chandler polo conxunto da súa obra.

O seu último traballo, "El silencio de los claustros", é un caso especialmente complexo e tanto a inspectora Petra Delicado coma o subinspector Garzón deben esforzarse a fondo para dar coa solución do caso.

O asasinato dun monxe que facía unha investigación e a desaparición da reliquia sobre a que traballaba abren moitas incógnitas. Por unha banda, unha das liñas abertas apunta a un acontecemento histórico, concretamente á Semana Tráxica, tamén podería ser que a principal familia benefactora do convento teña algo que ver... Non se descarta nada.

Mentres, ambos investigadores loitan cuns costumes moi alonxados da súa forma de ver a vida ( Garzón pon a proba o seu vocabulario cada vez que pisa o convento ) e Petra, máis dunha vez, desespera ante a falta de resultados concretos.
  • El silencio de los claustros.
  • Autora : Alicia Giménez Bartlett.
  • Editorial Destino, 462 páxinas.

2 comentarios:

Oki dijo...

Como sempre tomo nota das vosas recomendacións, que en xeral son moi ben eceptadas dende Biblioarzúa. Grazas

Biblioteca do IES Pintor Colmeiro dijo...

Gracias a ti polo teu comentario,Oki. Aproveito a ocasión para felicitarte polo voso blog, facedes un traballo estupendo.
Un saúdo.

LinkWithin